(
MENAFN- Akhbar Al Khaleej)
لا ضاقت الدنيا عليك .. اطرق ابواب
رب السما والارض وانعم في ريفه
اللي جعل في الارض الاء وكتاب
واللي جعل للانس فيها خليفـــــــه
واللي جعل من ضمن اسبابه اسباب
انه انتصى هذا البلد في ( خليفة )
خليفة بن سلمان .. بن يود الانساب
النايفات، الشامخات، الشريفـــه
( ابوعلي) بو فزعة الشيب والشاب
وافي .. لزيم الجود و دايم حليفه
حلال صعب الحال وفكاك الانشاب
ميسر عســر الظروف الكليفــــــه
نور البلد، في الضحى و فوح الاطياب
مفرج ضيق الخوي .. وسعيفــه
كفه على درب العطا شرع الباب
عكازة لاهل الظروف الضعيفــــه
الفاقت افضاله فضل خير الاعراب
واضحى عماد للقلوب النظيفــــه
جمايله تثقب بصر كل مرتاب
ومواقفه مثل القصور المنيفـــه
اوامره تنزل مثل وابل صاب
ارض جفاف واثمرت من نفيفه
غيثه اذا يهطل ..سواقيه تنساب
تروي (عيون) من عطشها كفيفه
كم حاجة تقضى بلا حاجة كتاب
يكفي.. اللبيب اهل النفوس العفيفه
مثلك خليفة هالزمن كود ما جاب
ممزوج مـــن طين الجنان الشفيفه
يا سيدي فيك اكتمل وصف الانجاب
اهل الصفات الحازمات، الرهيفـــه
ما يشبهك الاك وسجل هالاعجاب
يا قائـــد النهضة وفخــــر الخليفة
في عيننا انت السما و خيرك سحاب
حب كسى البحرين من دون خيفه
يا الله يا حافظ ويا رب الارباب
تحفظ لنا جنة وطننـــا وريفــــــه
يا من اذا ندعيه بقلوبنا .. جاب
تحفظ لنا جنة وطننا .. خليفـــــــه